Ngjarja makabre dhe monstruoze ndodhin kudo në botë, por dënimi që autorët e krimit marrin nuk është i njëjtë. Në SHBA ditën e djeshme u ekzekutua me një injeksion vdekjeprurës ,David Cox 50-vjeç, teksa Klodian Çalamani, në Shqipëri u vu në pranga për vrasjen e 8-vjeçarit, ngjarje për të cilën tha vetëm “Ndodhi”.
David Cox, 50 vjeç, sulmoi seksualisht vajzën e vogël të partneres së tij, përpara nënës së saj që po vdiste, e cila u qëllua dhe u la të vuante për orë të tëra teksa shikonte se si bashkëshorti përdhunonte të bijën e saj 12-vjeçare.
Klodian Çalamani torturoi dhe vrau në mënyrë monstruoze një të mitur në Fier.
Dënimi me vdjekje po kërkohet masivisht në shoqërinë tonë si një formë për të ulur numrin e akteve monstruoze në vend.Përdhunimet dhe abuzimet me të mitur kanë shokuar vazhdimisht, ndërkohë masat që merren si për parandalimin e të tilla krimeve dhe për dënimin e tyre konsiderohen si jo efektive.
Dënimi me vdekje është një fenomen që ka ekzistuar që në periudhat e vjetra të sundimeve perandorake, pra disa qindra, mijëra vjecare. Është operuar si një dënim për ata që kryenin krime të rënda në gjakftohtësi.
Ekzekutimi nuk shihet thjesht si dënim i monstrës, por cilësohet akoma më shumë si mesazh për monstrat aktive të shoqërisë.
Në Shtetet e Bashkuara të Amerikës, 32 shtete ende e aplikojnë dënimin me vdekje.
Ndërsa në 18 vende të tjera dënimi me vdekje është i paligjshëm. Forma të dënimit me vdekje janë: varja, pushkatimi, vrasja me ineksion, karriga elektrike, dhomat e gazit.
Nga grupet për të drejtat e njeriut, kjo është quajtur formë barbare e dënimit duke parë që ekzekutimet nuk kryhen në tentativën e parë ose bëjnë që të dënuarit të torturohen gjatë ekzekutimit.
Shtetet të cilat e aplikojnë dënimin me vdekje janë: Alabama, Arizona, Arkansas, California, Colorado, Delaëare, Florida, Georgia, Idaho, Indiana, Kansas, Kentucky, Louisiana, Mississippi, Missouri, Montana, Nebraska, Nevada, New Hampshire, North Carolina, Ohio, Oklahoma, Oregon, Pennsylvania, South Carolina, South Dakota, Tennessee, Texas, Utah, Virginia, Washington, Wyoming.
Vende të tjera ku dënimi me vdekje është legal janë: Kina, Korea e Veriut, Japonia, Irani dhe pjesa tjetër e vendeve arabe.
Në Shqipëri dënimi me vdekje është i ndaluar me ligj prej 1 tetorit të vitit 2000. Ndërsa dënimi i fundit me vdekje është kryer në 29 qershor 1995.
Discussion about this post