Policia e Tiranës ka dhënë detaje për krimin e sotëm në Paskuqan. Autori i dyshuar, Dan Hutra, ka plagosur ish-bashkëjetuesen dhe nënën e saj, ndërsa ka vrarë Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).
Sipas policisë, ai kishte pak ditë që kishte lënë qelinë e burgut, pasi ishte dënuar për vrasjen e gruas në vitin 2007 në qytetin e Kukësit.
Ramazani dhe Alketa ishin ndarë prej disa kohësh për shkak të konflikteve me njëri-tjetrin, ndërsa ai ishte dënuar për dhunë në familje, dënim të cilin e kishte përfunduar më 16 shkurt të këtij viti.
Ndërsa pa u mbushur dy javë, ai qëllon me vdekje gruan e tij.
Vrau gruan e parë në 2007
Por e shkuara e Ramazan Hutrës nuk mbaron me kaq.
Kjo pasi në vitin 2007 në atë kohë 25 vjeçar, ai do të vriste gruan e tij Dafina Havalja, ngjarje kjo e ndodhur në Kukës.
Por Hutra është një person me precedent të theksuar kriminal.
Në vitin 2007 ai ka vrarë gruan e tij, Dafina Havaljas, 22 vjeçe, nga Klosi.
Ndërsa në vitin 2003 mori peng nënën dhe kunatën, dhe përdhunoi kunatën tjetër.
“Po, unë e kam vrarë gruan time, Dafinën, me thikë. Jemi grindur dhe më pas e kam goditur, por gjithçka e kam bërë pa vetëdijë”, deklaronte ai në atë kohë.
Ndërkohë së fundmi ka qenë i dënuar për dhunë në familje, dhe është lënë i lirë në 16 shkurt të këtij viti.
Në 16 dhjetor të vitit 2007 ai do të arrestohej për vrasjen me thikë të vajzës, me të cilën ai bashkëjetonte në atë kohë në një banesë me qira në një lagje të Tiranës.
Sipas dëshmisë së familjarëve të viktimës në atë kohë, dhëndrri ua kishte pohuar në telefon vrasjen, duke u treguar se ku ndodhej trupi pajetë i Dafinës.
Familjarët kanë treguar se në momentin e telefonates, Hutra ndodhej ende në Shqipëri, ndërkohë që policia kishte dyshime të forta se 25-vjeçari kishte kaluar kufirin me Greqinë. Pavaresisht këtyre, Hutra do të ndalohej nga policia e Kukësit.
Discussion about this post