Në interpelancën që po bën në parlament me deputetin e Partisë Demokratike Ervin Salianji, ministri i Brendshëm Bledi Çuçi pranoi që krime do të ketë, por deri më tani Policia e Shtetit ka shënuar rritjen më të madhe deri tani. Sipas tij, vjedhjet me pasojë vdekjen kanë qenë 0 në vitin 2021.
Çuçi falënderoi ndër të tjera Salianjin për interpelancën e kërkuar.
“Unë thashë vjedhje me pasojë vdekjen, janë 0 në 2021. Mund ta kthejmë por të doni, nuk ka nevojë për falje. Në lidhje me numrin e vrasjeve, sollët një statistikë, por ajo që them unë është rezultati që kemi arritur. Këto e dëshmojnë qartë këtë gjë. A do ketë krime? Sigurisht që do ketë. Por meqë nuk kam shumë kohë, të falenderoj që solle në vëmendjen pagat e Policisë. Gjithmonë ka vend për më mirë, por kjo është rritja më e madhe ndonjëherë. Unë jam ministër i Brendshëm i Shqipërisë dhe jo i vendeve të tjera. Të falenderoj për interpelancat, i mirëpres, por do të doja të debatonim për politikat, jo me statistika “all over the place” që të mos kuptohet asnjë gjë. Unë nuk them që nuk ka krime, ka por hajde ti minimizojmë.”, deklaroi ministri i Brendshëm në Kuvend.
Discussion about this post