Madrid Ulqinaku 33- vjeç është qëlluar për vdekje mbrëmjen e sotme në Elbasan, Ngjarja është regjistruar në Bulevardin kryesor të qytetit.
33- vjeçari mësohet se është ekzekutuar nga disa persona ende të pa identifikuar. Autorët janë larguar nga vendngjarja në drejtim të paditur, ndërkohë që policia ka blinduar gjithë zonën.
Ende nuk dihen rrethanat e ngjarjes, ndërsa policia dhe grupi hetimor kanë mbërritur në vendin e ngjarjes për zbardhjen e plotë të saj.
Nuk dihet ende nëse kemi të bëjmë me një atentat apo një konflikt të çastit që ka agravuar në përdorimin e armëve.
Pritet të zbardhen detaje pas hetimeve mbi të shkuarën e viktimës, nëse rezulton me precedent penale ose jo.
Gijotina.com do të përditësuar me informacionet më të fundit për këtë ngjarje.
Discussion about this post