Vritet me armë zjarri i riu në Shkodër

Pas Tiranës, një tjetër vrasje është shënuar në vend, këtë herë në Shkodër.

Viktima është një 20-vjecari i identifikuar si Paulin Preka. Sipas hetimeve parapake, i riu është qëlluar me armë zjarri në rrethana ende të paqarta. Ai u gjet i pajetë nga familjarët në oborrin e banesës së tij.

Në një njoftim zyrtar, policia lokale konfirmoi se viktima është gjetur pa shenja jete rreth orës 14:50, në fshatin “Guci e Re”. Dyshohet se vrarë me armë zjarri, thanë të njëjtat burime.

“Menjëherë në vendngjarje kanë shkuar shërbimet e Policisë dhe grupe të Forcës Kombëtare të Sigurisë, Njësia Shkodër. Ndërkohë është ngritur një Grup i posaçëm  hetimor dhe nën drejtimin e Prokurorisë po punon intensivisht për sqarimin e rrethanave, dokumentimin ligjor, identifikimin dhe kapjen e autorit/ve”, mbyllet njoftimi i bluve.