Apeli i Posaçëm I GJKKO-së pritet të caktojë sot masëën për 6 të arrestuarit në kuadër të operacionit ‘Metamorfoza’. Seanca e kaluar zgjati për rreth tre orë dhe u shty për 31 korrikun. Asnjë nga të pandehurit nuk ishte në sallën e gjyqit.
Biznesmeni Pëllumb Gjoka, prokurori Xhevahir Lita, ish-shefi i Operacionales Oltion Bistri dhe ish-efektivi Ardit Hasanbegaj, Asmer Bilali, Edmond Preka, ky i fundit shoferi i biznesmenit Gjoka, u përfaqësuan nga avokatët.
Avokatët e 6 të arrestuarve deklaruan se nuk mund të merren prova nga ‘Encrochat’ pasi s’e parashikon ligji. Sipas tyre nuk mund të qëndrojnë të arrestuar me provat e ‘Encrochat’. Avokati i biznesmenit Pëllumb Gjoka, Ylli Manjani, tha se për të lidhur një person me ngjarje kriminale duhet prova dhe jo hamendësime.
Nha materialet hetimore, në një bisedë të përgjuar Pëllumb Gjoka me Behar Bajrin në lidhje me një vrasje, ky i fundit i tregonte se ka kontaktuar me persona të tjerë, shtetas të huaj të cilët kërkojnë 100 – 110 mijë euro.
Biznesmeni i thoshte: S’ka problem! Mjafton që ta bëjmë mirë këtë vrasje
Bajri ia kthen: Jo aq, më mirë po e bëjmë vetë sa ti japim aq shumë këtyre personave.
Vrasja e Gjin Ndojit në vitin 2020 mendohet se është pikënisja e hetimeve që ka çuar në arrestimin e Pëllumb Gjokës, Oltion Bistrit dhe prokurorit Xhevahir Lita.
Në kërkim është shpallur edhe Elion Hato, i cili njihet si krahu i djathtë i Ervis Martinajt. Hato sipas prokurorisë, në bashkëpunim me persona të tjerë ka tentuar që t’i bëjë atentat Ibrahim Licit.
Grupi kriminal, pjesë e të cilit ishte dhe ish-shefi i Krimit të Organizuar në policinë e Shkodrës, Ardit Hasanbegaj, i cili ka krijuar kushtet për antentat ndaj Dorjan Dhulit dhe Ibrahim Licit, ky i fundit kundërshtari i përbetuar i ‘Bajrave’. Ndërkohë, Ervis Martinaj në bashkëpunim me Behar Bajrin, Pëllumb Gjokën dhe Edmond Prekën janë të përfshirë në vrasjen e Gjin Ndojit në 2020 në Vaun e Dejës. Oltion Bistri, ish-shefi i Forcës Operacionale, akuzohet për veprën penale të shpërdorimit të detyrës dhe nxjerrje të akteve sekrete.
Ish-efektivi i policisë, që prej disa kohësh shërbente si shofer i biznesmenit Pëllumb Gjoka, kishte rol aktiv në vrasjen e Gjin Ndojit dhe atentatin ndaj Kleant Musabelliut.
Në dosjen hetimore të SPAK, evidentohen prova që krijojnë dyshime të arsyeshme se shtetasi Edmond Preka, në vrasjen e Gjon Ndoj (Boriçi), ka ndihmuar autorët e krimit për t’u larguar nga vendi i ngjarjes, pasi i morën jetën shënjestrës me dy plumba në kokë dhe një në shpatull.
Sakaq, Xhevahir Lita, drejtues aktual i prokurorisë së Kukësit, dyshohet se gjatë kohës kur ka ushtruar detyrën e prokurorit në Shkodër ka mbyllur dosjet penale në lidhje me këto vepra.
Gijotina.com/
Discussion about this post