Presdenti i Republikes, Ilir Meta ka reaguar ditën e sotme për mbrojtjen e rendit dhe sigurisë publike, lidhur dhe me vrasjet e ndodhura sëfundmi.
Nëpërmjet një postimi në Facebook, Meta shkruan se autorët e krimeve duhet të ndalohen sa më parë dhe cështja duhet të zbardhet menjëherë nga drejtësia.
Postim i plotë:
Revanshi i krimit në qytetet kryesore të vendit kërkon masa të menjëhershme reaguese dhe parandaluese, nga të gjitha institucionet e ngarkuara me ligj për mbrojtjen e rendit dhe të sigurisë publike.
Autorët e këtyre krimeve duhet të ndalohen sa më parë dhe aktet kriminale të konsumuara në zemër të qyteteve tona, që po tronditin rëndë opinionin, duhen të zbardhen menjëherë nga drejtësia dhe duhet të marrin dënimin më të rreptë ligjor.
