Peroni në foto është Kristjan Cenaj, autori i vrasjes së 16-vjeçarit Mariglen Gjonaj, në tentativën për ti vjedhur bizhuteritë me vlerë që mbante me vete. Policia e Shtetit ka arritur të konfirmojë sot se 16-vjeçari Mariglen Gjonaj, i zhdukur në mënyrë misterioze në vitin 2015 është vrarë nga Cenaj.
30-vjeçari është arrestuar nga policia ditën e djeshme si autori i ngjarjes së rëndë. Ishte vetë Drejtori i Drejtorisë Vendore të Policisë Lezhë, Vehbi Bushati i cili në një deklaratë për mediat tha se eshtrat dhe mbetjet kockore humane që u gjetën disa kohë më parë, pas ekspertimit biologjik, rezultuan se i përkisnin të zhdukurit 7 vjet më parë, të miturit 16-vjeçar Mariglen Gjonaj.
Policia konfirmon se ndalimi është bërë pasi më datë 18.05.2015, Kristjan Cenaj dyshohet se ka vrarë të miturin 16-vjeçar Mariglen Gjonaj, për përfitim pasuror, konkretisht vjedhjen e disa sendeve me vlerë, si orë dore e markes Rolex dhe varëse floriri që i mituri i ka pasur me vete ditën e ngjarjes kur është zhdukur.
Discussion about this post