Personi në foto është 15-vjeçari që i mori jetën tre nxënësve ditën e djeshme, dhe plagosi tetë të tjerë. Ngjarja ndodhi të martën pasdite në një shkollë të mesme në Oksford, Miçigan, thanë autoritetet.
Nxënësit e shkollës së mesme të Oksfordit të vrarë ishin Tate Myre, 16 vjeç; Hana St. Juliana, 14 vjeç dhe Madisyn Baldwin, 17 vjeç, sipas Sherifit të Kontesë Oakland, Michael Bouchard.
“Tetë nxënës të tjerë dhe një mësues u qëlluan”, tha Bouchard. Tre janë në gjendje kritike me plagë me armë zjarri, përfshirë një vajzë 14-vjeçare e cila është në ventilator pas operacionit.
Një djalë 14-vjeçar është në gjendje të rëndë me një plagë me armë zjarri në nofull dhe kokë, tha Bouchard. Tre nxënës janë në gjendje stabile dhe mësuesi që u qëllua ka dalë nga spitali.
“Unë mendoj se ky është makthi më i keq i çdo prindi,” tha guvernatori Gretchen Whitmer, i cili shtoi se të shtënat në shkolla janë “një problem unik amerikan që ne duhet ta trajtojmë”.
Discussion about this post