Gjykata Themelore e Ferizajt jep vendimin për autorin e vrasjes së Gazmend Hysenit. Mësohet se Gjykata ka caktuar 30 ditë paraburgim për Qëndrim Januzin. Lajmi është konfirmuar nga kryeprokurori i Prokurisë Themelore të Ferizajt, Shukri Jashari për Gazetën Ekspress.
Në një bisedë telefonike për Gazetën Express, kryeprokurori Jashari tha se Januzi ndodhet në paraburgimnë spital ku dhe po merr trajtim.
“Ju ka caktu masa e paraburgimit 30 ditë, për momentin është në spital, masën e mban në spital dhe ruhet nga policia, në momentin kur shërohet plotësisht transferohet në Qendrën e Paraburgimit”, tha Jashari për Gazetën Express.
Kujtojmë që Qëndrim Januzi vrau me armë zjarri mbrëmjen e së premtes, Gazment Hysenin., i cili ndërroi jetë në vendin e ngjarjes.
Sipas burimeve nga Prokuroria kanë bërë të ditur se motivi i vrasjes së rëndë në Ferizaj nga hetimet fillestare është ngatërresa mes këngëtarëve, pjesë e të cilave është edhe vëllai i dorasit, reperi Buta (Betim Januzi).Si rezultat i këtyre problemeve të vazhdueshme dyshohet se para një muaji dorasit iu është djegur vetura e tipi “Audi”, vlera e të cilës ishte 70 mijë euro.
Për këtë dhe motive të tjera që lidhen kryesisht me ngatërresat e vëllait të tij me këngëtarët tjerë dyshohet se Qendrim Januzi mbrëmë ndërmori veprime, ku si pasojë përfundoi i plagosur nga Policia.
Discussion about this post