AMP ka zbardhur dëshminë e Arjan Tasës, efektivit që vrau sot me gomone vogëlushen në Himarë. Ai ka deklaruar se në një moment gomonia ka marrë gazë në mënyrë të menjëhershme dhe ka marrë kthesë të komanduar duke goditur 7-vjeçaren.
Në dëshminë e tij Tase ka deklaruar se në mëngjes kishte shkuar me makinë në Porto Palermo për të marre aty gomonen dhe se mjetin ia kishte marrë djalit të xhaxhait, por ka deklaruar se edhe vetë kishte leje drejtimi të mjeteve lundruese.
Tase kishte udhëtuar me gomone nga Porto Palermo në drejtim të Potamit ku do merrte gruan dhe fëmijët për t’i nxjerrë shëtitje në det me gomone.
Discussion about this post