Ish-polici Koço Buzo, i cili vrau bashkëshortën e tij disa javë më parë ka treguar se armën e vrasjës e ka marrë rreth viteve 1988-1999 në komisariat dhe nuk e ka kthyer më.
Ora News ka zbardhur fjalët e Buzos, i cili se armën e ftohtë që gjithashtu përdori në ngjarjen nuk e mban mend se ku e ka marrë. Buzo gjithashtu ka kondërshtuar të gjitha provat që i ka sjellë prokuroria dhe se është habitur kur ka marrë vesh së i është vrarë gruaja.
“Automatikun e kam marë në degën e komisariatit gjatë viteve 1988-1999 dhe nuk e kam dorëzuar. Ndërsa armën e ftohtë nuk e mbaj mend se ku e kam marrë. Habitem shumë që është vrarë gruaja dhe kundërshtoj të gjitha aktet që ka sjellë prokuroria në këtë gjykim”, ka thënë Buzo.
Por si ndodhi ngjarja?
Koço Buzo, 58-vjeçari që vrau bashkëshorten e tij në derën e gjykatës nw 6 maj, e kishte paralajmëruar këtë të fundit, Liljanën që të mos shkonte në sallë. Mësohet se mbrëmjen e të mërkurës ai i kishte thënë Liljanës që të mos shkonte në seancën gjyqësore për të vijuar me divorcin e tyre, por ajo nuk ishte bindur.
E shoqëruar nga të dy djemtë, Liljana shkoi në sallën e gjyqit pa e ditur që kur të dilte nga aty e priste vdekja. Sapo mbaroi seanca gjyqësore, Buzo mori kallashnikovin, thikën dhe i zuri protë Liljanës. Ai e preu me thikë dhe me pas e qëlloi me breshëri kallashnikovi. Liljana Buzo u dërgua në spital, por nuk arriti të mbijetojë. Ndërsa autori u vu në pranga.
