Shqiptari që dyshohet se vrau gruan e tij më 23 tetor në Itali është dorëzuar në polici. 42- vjeçari i identifikuar si Avni Mecje është i dyshuari kryesor për vrasjen e gruas së tij rumune Alexandra Elena Mocanu.
35 vjeçarja u gjet e vdekur në banesën e saj, teksa shqiptari njoftoi familjarët e tij për krimin e kryer dhe u zhduk. Media italiane shkruan se shqiptari u dorëzua vetë në prokurorinë publike. Viktima u gjet e mbuluar me batanije.
Si u zbulua krimi?
Alexandra Elena Mocanu, është një 35 vjeçare me origjinë nga Rumania dhe së fundmi jetonte në kryeqytetin e Tirolit Jugor ku punonte si banakiere. Alarmi ka rënë pasditen e së dielës vonë pas denoncimit nga familjarët e 42-vjeçarit Avni Mecja. Mecja gjatë një telefonate njoftoi se duhej të arratisej sepse ishte në kërkim. Ai u largua nga Bolzano me makinën dhe telefonin e gruas së tij për t’u drejtuar në Shqipëri, në vendin e origjinës. Megjithatë, mbrëmjen e së hënës ai u paraqit para hetuesve.
35-vjeçari banonte në një pallat në afërsi të pishinës publike “Lido”. Është një zonë rezidenciale, midis lumenjve Isarco dhe Talvera, një shëtitje të shkurtër nga qendra historike e Bolzanos. Trupi i gruas u gjet i mbështjellë me një batanije.
Discussion about this post