Flamur Rexha, 44-vjeçari nga Kosova që vrau dy fëmijët e tij dhe plagosi gruan në Hamburg të Gjermanisë, do të varroset nesër në vendlindje në fshatin Ponoshec të Gjakovës. Lajmi është konfirmuar nga familjarë të tij.
Në 26 dhjetor, Flamur Rexha goditi me armë zjarri dy djemtë e tij 11 dhe 13 vjeç dhe plagosi rëndë gruan e tij Avdijen. Në fund, ai shtiu ndaj vetes duke kryer vetëvrasje. Gruaja e tij doli nga koma pas 4 ditësh. Nëna 38-vjeçare është ende e tronditur, ndërsa hetuesit e çështjes ende nuk e kanë marrë në pyetje.
Flamur Rexha shtiu 8 herë ndaj familjarëve të tij dhe vetes. Shkaqet e krimit të tmerrshëm janë ende të panjohura nga policia gjermane.
Discussion about this post