Gerti Selimaj është ekstraduar nga Italia drejt vendit tonë, pasi ishte shpallur në kërkim për vrasjen e dy vëllezërve në Vlorë, para 23 vitesh. Në vitin 1998, Selimaj, i cili sot është 47 vjeç, dyshohet se ka vrarë me armë zjarri dy vëllezërit Beqir dhe Elmaz Hasho.
Sipas policisë, ndaj 47-vjeçarit, gjykata e Vlorës ka caktuar masën e sigurisë “Arrest në burg”, për veprat penale “Vrasja me paramendim” dhe “Mbajtja pa leje dhe prodhimi i armëve dhe i municionit luftarak”.
Kujtojmë se, në vitin 1998, në lagjen “Pavarësia”, Vlorë, Selimaj dyshohet se ka qëlluar me armë zjarri vëllezërit Beqir dhe Elmaz Hasho të cilët për pasojë kanë humbur jetën.
Pas ekstradimit në Shqipëri, Specialistët e Hetimit të Krimit në DVP Vlorë bënë ekzekutimin e urdhrit të prokurorit, në zbatim të vendimit penal për masën e sigurisë, dhënë nga Gjykata e Shkallës së Parë Vlorë, më datën 09.02.2021.
Discussion about this post