Autori i vrasjes makabër në Greqi, Sakis Varvaresos ka dalë para prokurorit të çështjes për të rrëfyer krimin e rëndë që kreu mbi familjen e shqiptarëve. Në dëshminë e tij ai ka treguar se shkak për këtë akt ka qenë se ata nuk i lëshonin shtëpinë, ndërkohë që kur është pyetur se pse nuk u dëgjuan fare zhurma jashtë shtëpie, ai i ka thënë prokurorit se i kishte kryer vrasjet thuajse me armë të puthitura në trupat e viktimave.
Ndërkohë, bëhet me dije se ai nuk ka folur fare në lidhje me vrasjen e dy të miturve, por i ka thënë prokurorit. “Për ata s’dua të flas, e di që për ta nuk ka falje”, është shprehur ai. Për dy fëmijët ka treguar se ua ka zënë frymën me anë të një qese plastmase, ndërkohë djalin e madh, Arlindin, ai e kishte ngarkuar në karrocën e njërit prej mjeteve të tij në momentin kur ka parë që dikush ka hyrë në oborr.
Vrasësi ka dy divorce, dy fëmijë të rritur, por jetonte vetëm në një vilë luksoze 500 m2, me sistem të lartë sigurie e kishte një makinë luksoze. Në të kaluarën ishte i njohur në kazinotë e zonës ku kishte fituar shuma të mëdha. Sipas dëshmisë së tij në polici, çiftin shqiptar e vrau për borxhe të qirasë rreth 1000 euro. Avokati i familjes së viktimave ka bërë të ditur se kanë përfunduar procedurat pas autopsisë dhe se shumë shpejt do të dërgohen në Shqipëri ku të afërmit presin të kryejnë ceremoninë mortore. Banorët e Ilias janë të shokuar nga krimi i paprecedentë në zonën e tyre, ndërsa ngjarjen e ka dënuar ashpër mbarë opinioni publik në vend.
Discussion about this post