Gjykata e Tiranës ka caktuar masën e sigurisë për Elvis Shkambin, autorin e vrasjes së Astrit Kalasë. Bashkë me Shkambin, Gjykata e Tiranës ka caktuar të njejtën masë sigurie dhe për xhaxhain e tij Gjon Shkambi. Ndërkohë që dhe roja i sigurisë së Gjykatës Banush Koxhaj është lënë në burg.
Elvis dhe Gjon Shkambi kërkuan falje publike familjes së gjyqtarit Kalaja, ndërsa dëshmuan se ngjarja ka ardhur si shkak i tronditjes së lartë psikike për shkak të kalvarit të gjatë të gjyqeve.
Ata kishin pretendime për gjykatën pasi nuk e kanë zgjidhur siç duhet çështjen e pronësisë.
Avokati Kujtim Ibraj tha se klienti i tij e ka kryer krimin në kushtet e tronditjes pas dhënies së vendimit. Avokati deklaroi se armën e mbante sepse punonte në disa institucione.
Për Gjon Shkambin tha se nuk ka prova se ka qenë nxitës i vëtëgjyqësisë.
Ndërsa për rojen e gjykatës tha se ai kishte marrë leje për shkak se vuan nga diabeti, por nuk ishte zëvendësuar në turn dhe ky problem shëndetësor i ka shkaktuar probleme me shikimin.
“Në momentinm që është dhënë vendimi është tronditur thellë dhe qëlloi në drejtim të gjyqtarit.
Shtetasi nën hetim ishte totalisht i mpirë dhe ka pritur forcat e policisë pasi i ka ardhur vetëdija për t’i dorëzuar armën.
Nuk ka prova që Gjon Shkambi është shtytës, nuk ka pasur dijeni por nuk ka dalë askush para armës sepse nipi ishte i tronditur. Elvis Shkambi qëlloi teksa gjyqtari dilte nga salla.
Nëse do të kishte veprime shtytëse hetimi dhe procedimi për kanosje duhej të kishte nisur që atëherë dhe jo tani.
Për hir të së vërtetës ai mbante armë prej disa vitesh, arsyeja do të sqarohet më vonë. Kjo familje ka vuajtur shumë për shkak të çësthjes civile dhe ka shumë borxhe. Tronditja është shkaktuar nga vendimi. Elvis Shkambi ka punuar në disa institucione sigurie prandaj ka armë. Nuk kemi kërkuar ekspertim për shëndetim endor por do të kërkojmë.
Koxhaj kishte diabet dhe i ishte thënë se mund të lëvizte nga kancelarja e gjykatës, por nuk u zëvendësua në turn. Diabeti ul shikueshmërinë.
Nuk ka procedime të tjera dhe ata pretendojnë se drejtësia nuk ka bërë punën.
Elvis Shkambi ka kërkuar falje publike para gjykatës për gjyqtarin Astrit Kalaja dhe dy të plagosurit.
Nuk kam dijeni për Go FoundMe, nuk duhet të krijojmë mite, sepse është e patolerushme vrasja sepse gjyqtyari nuk mund të vritet në krye të detyrës.
Por edhe shtyrja është e tejskajshme, nuk duhet të krijohen zvarritje sepse është alarmante. Në çështjet penale ka më shumë transparencë”, deklaroi avokati.
Elvis Shkambi akuzohet për “Vrasje e funksionarëve publikë”, dhe “Vrasje në rrethana të tjera cilësuese” të mbetur në tentativë, ndërsa për xhaxhin e tij ka nisur procedimin gjithashtu për “Vrasje në rrethana të tjera cilësuese” të mbetur në tentativë, për plagosjen nga nipi i tij i Rakip dhe Elvis Kurtajt, palë kundërshtare në procesin gjyqësor.
Ndërsa xhaxhai i tij, Gjon Shkambi, akuzohet për “Vrasje në rrethana të tjera cilësuese” të mbetur në tentativë, për plagosjen nga nipi i tij i Rakip dhe Elvis Kurtajt, palë kundërshtare në procesin gjyqësor. Sipas Prokurorisë, ai ka shtyrë nipin të qëllojë edhe mbi babë e bir, pasi qëlloi mbi gjykatësin Kalaja.
Roja i sigurisë, Banush Koxhaj, akuzohet për shpërdorim detyre. Sipas prokurorisë, ai nuk ka reaguar edhe pse detektorët sinjalizuan praninë e metaleve gjatë hyrjes së Elvis dhe Gjon Shkambit në ambientet e gjykatës. Ai nuk ka kryer kontroll fizik ndaj tyre dhe as nuk ka bërë regjistrimin në librin e protokollit, ashtu siç është detyrim për çdo qytetar që hyn dhe del në institucion. Ai akuzohet për ‘shpërdorim detyre’
Në dëshminë e tij, Koxhaj ka deklaruar se nuk është ndjerë mirë nga ana shëndetësore, duke theksuar se i ka kërkuar leje kancelares.
“Kam qenë i sëmurë, para se të kalonin palët në skaner, unë kam lajmëruar dhe kancelaren se nuk ndihem mirë, pasi vuaj nga diabeti. Një orë me pas kancelarja më ka dhënë leje për tu larguar por nuk jam zëvendësuar” ka thënë ai para togave të zeza.
Discussion about this post