“E vrava, por nuk e di pse e bëra”.
Kjo është deklarata e bërë nga Lulzim Toci, pasi vrau bashkëshorten e tij, Eleonorën 24 vjeçe, në shtëpinë e tyre në Caserta, Itali, raportojnë mediat italiane.
Tragjedia në familjen Toci ndodhi në orën 05:00 të mëngjesit të djeshëm (9 tetor) në shtëpinë e tyre, në një lagje të qetë. Sipas hetimeve paraprake, 30-vjeçari Lulzim Toci mbyti me duar gruan e tij Eleonora Toci.
Ka qenë kunata e çiftit ajo që ka njoftuar policinë, pasi pas kryerjes së krimit, autori shkoi në shtëpinë e saj duke i kërkuar ta shoqërojë për në spital. Ajo nuk e ka besuar dhe ka telefonuar fëmijët e çiftit.
‘Babi vrau mamin’, i kanë thënë fëmijët tezes, e cila ka kontaktuar menjëherë 112. Kur policia ka mbërritur në vendngjarje, 30-vjeçari ka qenë duke u endur pranë shtëpisë, në “Via Caravaggio” dhe më pas është ndaluar dhe dërguar në komisariat.
Discussion about this post