34-vjeçari që akuzohet së bashku me shokun e tij, një 39-vjeçar për vrasjen e partneres së shqiptare të këtij të fundit, shtatzënës Gjeorgjia Murati në Selanik është rrëfyer. Të arrestuarit po ndiqet penalisht për vrasje, ndërprerje të shtatzënisë me dhunë, grabitje në bashkëpunim, si dhe për armëmbajtje pa leje dhe përdorim të paligjshëm. Ata janë dërguar mëngjesin e sotëm në Gjykatën e Selanikut, me qëllim që të dëshmënojnë krimin para hetuesit që trajton rastin.
I pari që ka folur para hetuesve ka qenë 34-vjeçari, i cili mësohet se ka pohuar se partneri i 41-vjeçares ka qenë ai që i ka marrë jetën, se ka pranuar të marrë pjesë vetëm në grabitje ndërsa pretendoi se kishte vendosur vetë të shkonte dhe të denonconte në polici kur mësoi se viktima ishte shtatzënë. Gjithashtu ai pranoi se ia ka mbyllur gojën dhe e ka lidhur 41-vjeçaren dhe se ka ndihmuar 39-vjeçarin të transportonte trupin.
“Unë isha aty sepse pranova ofertën e tij për të bërë një grabitje të rreme pa u lënduar njeri. Kur mori thikën në duar, më kërkoi të largohesha. Dola nga pallati dhe prita në makinë. Pastaj erdhi dhe më tha që e kishte vrarë. Pranova ta lëviz trupin, pasi kisha frikë se mos e pësoja edhe unë. Nuk dija asgjë. Ai kishte planifikuar gjithçka. Kisha frikë për mua dhe familjen time. E pranoj që kam ndihmuar në transport me bagazhin”, ka thënë ai ndër të tjera.
Discussion about this post