Është gjetur i vdekur autori i dyshuar i vrasjes së Klodianës në Castelfiorentino, Alfred Vefa.
Ish-bashkëshorti i Klodiana Vefës, 36-vjeçares me origjinë shqiptare e vrarë në rrugë nga të shtënat me armë zjarri në qytetin e provincës së Firences, është gjetur i pajetë në një zonë të izoluar të San Casciano në Val di Pesa.
TGCOM24 raporton se sipas policisë, e cila e kërkonte prej orësh, ai vrau veten duke qëlluar me të njëjtën armë me të cilën ndoshta kishte vrarë ish-bashkëshorten.
Rreth orës 4 të mëngjesit të së shtunës, në një zonë të izoluar të komunës San Casciano në Val di Pesa, një qytetar ka denoncuar një makinë të dyshimtë, të parkuar dhe të braktisur.
Karabinierët që ndërhynë konstatuan se ishte makina e Alfred Vefës. Menjëherë u organizua një kërkim në zonat përreth që më pas çoi në zbulimin, në orën 6 të mëngjesit, të trupit të pajetë të burrit.
Discussion about this post