Çaush Saliasi u qëlllua 6 herë por tre plumba prekën në trup efektivin e policisë. Mbrëmjen e kaluar, polici veteran u qëllua për vdekje nga kolegu i tij, 25-vjeçari Ludian Zaimi. Saliasi, humbi jetën rrugën për spital, pasi plumbat e prekën në pjesë delikate të trupit.
Pas krimit që ndodhi nga një konflikt banal, autori ka shprehur pendesë dhe ka deklaruar se mes tij dhe kolegut ka pasur sherre dhe përplasje të mëparshme dhe gjithmonë është fyer nga kolegu i tij.
Burime bëjnë me dije se ka nisur sepse Saliasi ironizonte kolegun e tij, që prej më shumë se një viti shërbente në radhët e Policisë së Shtetit. Në dëshminë e tij, autori ka thënë se viktima e ka ngacmuar me fjalë dhe se gjithë kohës që hasej me të, efektivi e bullizonte, deri në momentin që nuk ka duruar më dhe ka nxjerrë armën.
Viktima, Çaush Saliasi kishte mbi 20 vite që punonte si efektiv në Polici, ndërsa Zaimi i ishte bashkuar uniformave blu rreth 1 vit e gjysmë më parë.
Discussion about this post