Ka qenë një konflikt i hershëm mes kushërinjve, ai i cili çoi në vrasjen e 41-vjeçarit në Kosovë mëngjesin e djeshëm.
Grupi hetimor ka dhënë të tjera detaje në lidhje me ngjarjen e rëndë, ku një ditë më parë u gjet një person i vrarë në fshatin Batllavë të Podujevës. Ngjarja dyshohet se ka ndodhur për shkak të një konflikti të hershëm mes dy kushërinjve, ku autori është një 47-vjeçar me iniciale B.B, i cili tashmë është arrestuar. Të afërmit e viktimës, në komisariat, por edhe dëshmia e autorit të ngjarjes konfirmuan ngjarjen, madje dhe dinamikën e saj. Sipas tyre, viktima ishte duke shkuar në punë me biçikletë, teksa kushëriri i tij e aksidentoi me makinë. Më pas mori pistoletën dhe goditi disa herë në drejtim të tij duke i shkaktuar vdekjen. Fillimisht autori i ngjarjes tentoi të arratisej, por më pas u ndaluar nga policia.
Gjithashtu, bëhet me dije se, autori i ngjarjes ka shtënë me armë dhe në drejtim të shtëpisë së viktimës, por fatmirësisht pa persona të lënduar. Pra, kemi të bëjmë me një vrasje të paralajmëruar, pasi përplasjes mes dy kushërinjve kanë qenë të vazhdueshme, ku tashmë përfunduan me një person të mbetur viktimë.
