Vrau Madrit Ulqinakun për një “pse më pe..”, shihni momentin kur arrestohet Horgito Peqini (VIDEO)

Ky është momenti i arrestimit të Horgito Peqinit, autorit të dyshuar për vrasjen e Madrit Ulqinakut disa ditë më parë në Elbasan.

18-vjeçari vrau me armë me silenciator 33-vjeçarin më 17 gusht, ndërsa dyshohet se Klaudjan Sallufi ka qenë bashkëpunëtor i tij.

Ndërkohë, arma e krimit u gjet pas shumë kërkimesh në shtratin e lumit Shkumbin.

Si ndodhi ngjarja

33-vjeçari, Madrit Ulqinaku, babai i një vajze mbeti i vdekur në vend pasi u qëllua me armë zjarri pasi doli nga lokali ku po pinte kafe, në afërsi të bulevardit kryesor të qytetit. Dyshohet se autori është ndihmuar nga persona të tjerë për t’u larguar, ndërsa policia ka sekuestruar edhe kamerat e sigurisë në zonë.

Pas ngjarjes së rëndë, familjarët e 33-vjeçarit, kanë shpërthyer në britma e ulërima, teksa kanë mbërritur në vendin ku u vra Madrit Ulqinaku. ‘Kush e vrau… para 10 minutash fola me çunin? A është ai apo jo? Kush e vrau?’– dëgjohen ato teksa ulërasin me të qara dhe tentojnë që t’i afrohen trupit të pajetë por ndalohen nga policia.

Kjo nuk është tragjedia e parë për familjen Ulqinaku. Nga trazirat e 1997 iu vra një djalë tjetër, vëllai i Madrit Ulqinakut.