Gjykata Penale e Tiranës la sot (6 tetor) në fuqi masën ‘arrest me burg’ për Arlind Demushin, autorin e vrasjes së 40 vjeçarit Hajdar Ismailgeci në zonën e Babrrusë.
Gazetarja Keti Banushi bën me dije se autori i dyshuar nuk ka folur në seancë, por avokati i tij është shprehur se sherri ka qenë i momentit dhe se Arlind Demushi nuk ka patur për qëllim ta vriste 40 vjeçarin.
Sipas avokatit, ai e ka goditur me thikë Ismailgecin në gjendje të rënduar psikologjike, teksa shtoi se nuk qëndron akuza “vrasje me paramendim” pasi autori e ka mbajtur në shtëpi viktimën pasi ishin shokë.Megjithatë Gjykata nuk mori parasysh pretendimet e avokatit duke caktuar masën “arrest në burg” ndaj autorit të dyshuar.
Krimi i rëndë u shënua më 2 tetor, teksa viktima u gjet i pajetë pranë shkollës 9-vjeçare “Azem Hajdari”. Autori, 38-vjeç, u lokalizua një ditë më pas në Durrës. Në momentin e arrestimit, 38-vjeçarit iu gjet një çantë me veshjet që ka patur gjatë krimit.
Discussion about this post