Prokuroria e Elbasanit, nëpërmjet prokurorit Xhelian Seferi, ka kërkuar burgim të përjetshëm për shtetasin 38-vjeçar Ramis Mici. Mici, një vit më parë vrau bashkëjetuesen Jetlira Elezin për arsye xhelozie.
Vrasja e Jetlira Elezit, ndodhi në lagjen “Skenderbej” të qytetit të Elbasanit, në datë 30 korrik të vitit 2022. 37-vjeçarja mbeti e vdekur pasi u godit me armë të ftohët nga bashkëshorti i saj.
Në atë kohë, pronarët e banesës ishin të parët që konstatuan trupin e përgjakur të viktimës.
“Prokuroria pranë Gjykatës së Shkallës së Parë të Juridiksionit të Përgjithshëm Elbasan, përfaqësuar nga prokurori i çështjes Z. Xhelian Seferi, në datë 13.07.2023 ka paraqitur diskutimin përfundimtar në Gjykatën e Shkallës së Parë të Juridiksionit të Përgjithshëm Elbasan në gjykimin penal ndaj të pandehurit R.M të akuzuar për veprën penale të “Vrasja për shkak të marrëdhënieve familjare” parashikuar nga neni 79/c i K.Penal, duke kërkuar përfundimisht dënimin e tij me burgim të përjetshëm.
Ngjarja i referohet datës 30.07.2022, ku i pandehuri R.M. ka vrarë me mjet të mprehtë thikë bashkëjetuesen e tij shtetasen J.E në banesë, në vendin e quajtur lagjja: “Skenderbej”, Elbasan.”- njofton Prokuroria.
Discussion about this post