Vrau me thikë nipin e ish-ministrit, arrestohet 35-vjeçari/ Detajet

Policia e Durrësit arrestoi 40-vjeçarin, Ilir Koçilja, i cili dyshohet se është autori i vrasjes së shtetasit Halil Koka.

Nga dyshimet e para, mësohet se konflikti midis dy fqinjëve ka ndodhur për shkak të një vendparkimi.

I arrestuari dyshohet se ka qëlluar me thikë 35-vjeçarin Koka, i cili ndërroi jetë rrugës për në spital.

Ndërkohë, sipas raportimeve mediatike, viktima është nipi i ish-ministrit të Mjedisit, Lefter Koka.

Rrëfimi i dëshmitarit:

Dëshmitari: Ai ngeli në rrugë. Erdhi policia dhe më pas ambulanca. Nuk njihja asnjë person. Ata erdhën nga Tatimet me vrap. Autori e ndiqte me vrap. Viktima ngeli te koshat, aty ngeli i plagosur.

Detaje nga sherri:

Sherri mes dy fqinjëve nisi për një vend parkimi, por duket se viktima dhe autori kanë pasur një sherr për çështje borxhi. Familjarët kanë deklaruar në polici se autori, Arben Kocilja, u kishte një borxh.

Njoftimi i policisë:

Plagosi me mjet prerës (thikë) një shtetas i cili humbi jetën gjatë transportimit për në spital, Policia identifikon autorin dhe vijon kontrollin dhe ndjekjen për kapjen e tij.

Rreth orës 12:30, në lagjen nr. 4, dyshohet se gjatë një konflikti të çastit, shtetasi I. K. ka goditur me mjet prerës (thikë), shtetasin H. K., i cili si pasojë, ka humbur jetën gjatë transportimit në spital Shërbimet e Policisë kanë shkuar menjëherë në vendngjarje, kanë rrethuar zonën dhe po bëjnë krehjen e saj, me qëllim kapjen e shtetasit I. K. Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.