Marsela Pushani, 40 vjeç, është arrestuar nga policia e Tiranës, si e dyshuar për vrasjen e motrës së saj, Amanda Pushani, 37-vjeçare.
Krimi dyshohet se ka ndodhur rreth orës 11:40 të paradites së të shtunës, ku vdekja e Amanda Pushanit u raportua fillimisht nga familjarët e sak si vdekje natyrore.
Por, më pas, efektivët e policisë konstatuan në trupin e viktimës plagë të shkaktuara me thikë, duke u ngritur dyshimet se ishte një vetvrarë ose një vrasje.
Autorja dhe viktima banonin në të njëjtën shtëpi, bashkë me nënën e tyre.
40-vjeçarja Marsela Pushani dyshohet se e ka goditur motrën e saj, Amanda Pushani disa herë thikë pas një debati mes tyre.
Autorja e dyshuar e krimit është arrestuar nga Policia dhe akuzohet për veprën penale “Vrasja për shkak të marrëdhënieve familjare”.
Dy motrat kanë pasur debat të vazhdueshëm, pasi viktima i kërkonte motrës më të madhe të linte alkoolin.
Sipas dëshmisë së dhënë nga autorja e dyshuar, Amanda ka marrë thikën dhe ka kërcënuar të motrën dhe nënën e saj se do t’i vriste.
Marsela ka treguar më tej se situata është tensionuar dhe ka vepruar në kushtet e vetëmbrojtjes. Gjithsesi ende nuk dihen rrethanat apo shkaku i vërtetë i ngjarjes, ndërsa grupi hetimor po vijon mbledhjen e dëshmive nga persona që mund të kenë dijeni mbi ngjarjen.
Viktima Amanda Pushani:
Autorja e dyshuar e krimit Marsela Pushani
Discussion about this post