Ali Zili, autori i vrasjes makabër në Devoll pak ditë më parë ka dalë sot para Gjykatës së Korçës, ku do të merret vendimi mbi të. 3 ditë më parë Zili vrau dy fqinjët e tij, të cilat ishin nuse dhe vjehrrë, pasi i kishin para borxhë. Ndërkohë pritet që sot gjykata të zbardhë hetimet e bëra mbi dinamikën e ngjarjes dhe të ndëshkojë autoin monstër.
I akuzuari Ali Zili mësohet se merrej me shitjeve e druve, ku kohë më parë 36 vjeçari u ka shitur një sasi drush zjarri dy viktimave, por nusja dhe vjehrra dyshohet se nuk i kishin dhënë lekët. Sipas informacioneve nga grupi i hetimit, bëhet me dije se 2 ditë më parë kishte ardhur nga Greqia vajza e 60 vjeçares. Kjo duhet se ka qenë dhe arsyeja qe Zili ka shkuar në shtëpinë e të moshuarve me shpresën për të marrë borxhin.
Duket se një borxh i pashlyer është bërë shkak i ngjarjes së rëndë. Fatmira Bami, rreth 60 vjeçe dhe vjehrra e saj Bukurie Bami, rreth 80 vjeçe, janë gjetur të pajeta dhe me shenja dhune rreth orës 15:15, (5 mars) në banesën e tyre. Ato kanë mbetur të vdekura si pasojë e goditjeve me sende të forta nga autori Ali Zili, i cili është arrestuar nga policia dhe ka pranuar krimin.
Discussion about this post