Burgim të përjetshëm ka vendosur Gjykata e Assizes të Savonës për Safayou Sow, shtetasin 27-vjeçar të Guinesë, i cili vrau ish-partneren e tij Danjela Neza natën mes 5 dhe 6 majit 2023 në Savona.
Sow është dënuar edhe për dëmshpërblim të nënës së viktimës me 318 mijë euro dhe vëllait të saj me 100 mijë euro. Gjykata vendosi gjithashtu edhe izolimin e tij për një vit.
Prokurori publik Luca Traversa kishte kërkuar dënimin me tre rrethana rënduese (marrëdhënie emocionale, paramendim dhe motive të kota), por kujtoi se Sow u dorëzua spontanisht në polici dhe se më vonë ai bashkëpunoi me hetuesit duke u siguruar atyre fjalëkalimin e celularit të viktimës (i cili përmbante regjistrimin audio të momenteve të fundit të jetës së gruas).
Sow kishte mbërritur në Itali me një varkë dhe kishte gjetur punë si pjatalarës në restorantin ku punonte Neza. Mes të dyve lindi një lidhje, e cila më pas u mbyll nga ana e vajzës.
Si përgjigje, Sow i kishte kërkuar asaj të jepte dorëheqjen, e ndjekur nga takimi i fundit, tragjik, në kopshtet ngjitur me stacionin. Danjela Neza u qëllua me plumb në kokë. Menjëherë më pas vetë Sow telefonoi në 112: “Kam vrarë një grua, ejani të më merrni”.
Para gjyqtarit ai më pas dha një histori të saktë: të dy kishin bërë një takim të fundit, mundësia e fundit klasike për të sqaruar gjërat dhe ndoshta për t’u rikthyer bashkë.
Në vend të kësaj ata u grindën, kështu që ai mori një armë gjysmë automatik të kalibrit 22 (me numrin serial të hequr) nga makina, e drejtoi në kokën e Danjelës dhe qëlloi. Më pas ai thirri 112, duke rrëfyer gjithçka.
Discussion about this post