Gjykata themelore e Prishtinës ka caktuar një muaj paraburgim për babanë që vrau të birin me kallash, të hënë e 13 qershorit.
Sipas mediave vendase motivi i vrasjes lidhet me mosmarrëveshje midis babë e bir për çështjet pronësore. Ngjarja e rëndë ka ndodhur në fshatin Peran të Podujevës ku personi në fjalë i mori jetën në mënyrë makabre të birit.
“Prishtinë 15 qershor 2022 – Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit kundër të pandehurit N.S për shkak të dyshimit të bazuar se ka kryer veprën penale Vrasje e rëndë nga neni 173 paragrafi 1 pika 1.3 dhe Mbajtja në pronësi, kontroll ose posedim të paautorizuar të armëve nga neni 366 par.1të Kodit Penal të Republikës së Kosovës. Gjyqtari i procedurës paraprake kërkesën e prokurorit të shtetit për caktimin e masës së paraburgimit e ka aprovuar si të bazuar dhe të njëjtit i ka caktuar masën e paraburgimit në kohëzgjatje prej një muaj”, thuhet ne njoftim.
Discussion about this post