Atleti Oscar Pistorius mund të përfitojë liri me kusht pasi ka shlyer gjysmën e dënimit, që ishte 13 vite e 5 muaj burg, për vrasjen e të fejuarës së tij Reeva Stenkamp.
Sportisti afrikano-jugor mund të fitojë këtë liri për sjellje të mirë, megjithatë përpara se të jepet një vendim i tillë ai do duhet të takojë prindërit e të fejuarës, takim që duhej të ishte bërë në tetor.
Kampioni paraolimpik i disiplinës së 400 metrave, që garon me këmbë metalike u bë i njohur në Olimpiadën ‘Londër 2012’, pasi garoi mes atletëve normalë.
Ndërsa pak muaj më pas, në Shën Valentin e 2013-ës ai vrau me armë të tipit pistoletë, në Petronia të Afrikës së Jugut, të fejuarën e tij.
Ai u mbrojt duke thënë se e ngatërroi për shkak se dëgjoi hajdutët në shtëpi, por në 2017 ai u shpall fajtor për vrasje me qëllim dhe dënimi iu dyfishua në Apel në krahasim me atë që i ishte dhënë në shkallën e parë./K.T/Gijotina.com
Discussion about this post