Ditën e djeshme në ndeshjen Aris-PAKO, një grup tifozësh në Selanik të Greqisë janë përleshur me thika, ku mbeti viktimë një 19-vjeçar me emrin Alkiviadis Kampanos. Ditën e sotme policia greke ka identifikuar autorin dhe e ka arrestuar. Bëhet me dije se vrasësi i dyshuar është një 23-vjeçar shqiptar me banim në Selanik, me leje qëndrimi të përkohshme në Greqi.
Shqiptari është identifikuar nëpërmjet kamerave të sigurisë. Në videon e publikuar nga mediat greke, shihet ku një grup të rinjsh, pas sherrit, shfaqen duke vrapuar nga një rrugë e ngushtë në një rrugë kryesore dhe kanë hipur në dy automjete duke u larguar me shpejtësi nga vendi i ngjarjes.
Policia ka identifikuar shqiptarin përmes targave të makinës dhe u vu në ndjekje të tij, ku e arrestoi në vendtakimin e tifozëve. Gjithashtu mësohet se shqiptari e ka pranuar se ka qenë i përfshirë në ngjarje.
Sipas mediave greke, 23-vjeçari shqiptar është pronar i njërës prej dy makinave në të cilat hipnin autorët e ngjarjes së përgjakshme. Ai është sjellë në Komisariatin e Selanikut mbrëmjen e djeshme, si dhe pritet që ti komunikohet edhe masa e sigurisë.
Ndërkohë mediat shkruajnë se 23-vjeçari është një nga huliganët më të ashpër në Greqinë e Veriut. Në vitin 2019 u arrestua për një sherr tifozësh.
https://streamable.com/nwut00
Discussion about this post