Osman Shaptafaj, shqiptari i cili vrau vajzën dhe dhëndrin në banesën e tyre në Australi, ka kërkuar ulje të dënimit. Shaptafaj u dënua me dy burgime të përjetshme pasi u deklarua fajtor për vrasjen e vajzës së tij, Lindita Musai, 25 vjeçe dhe bashkëshortit të saj, Veton Musai, shkruajnë mediat e huaja.
Avokati i Shaptafajt, Rishi Nathuani argumentoi se klienti i tij kishte marrë dënimin maksimal pavarësisht se kishte të drejtën e një zbritjeje për shkak të deklarimit të tij, paaftësisë dhe ndikimit të një dënimi me burg gjatë Covid-19.
Edhe pse avokati ka kërkuar një dënim më të lehtë në Gjykatën e Apelit në Melburn, kjo gjë nuk u pranua nga Apeli.
Ngjarja e rëndë ndodhi mëngjesin e 31 dhjetorit të vitit 2020 kur babai shqiptar Osman Shaptafaj qëlloi vajzën e tij 25 vjeçare Lindita Musai dhe dhëndrin e tij Veton Musai, pasi mësoi për martesën e vajzës së tij të larguar nga shtëpia.
Pasi i mori jetën dy të rinjve, Shaptafaj më pas qëlloi edhe veten më të njëjtën armë, por pa mundur që të ndërrojë jetë. Osman Shaptafaj është dënuar me dy burgime të përjetshme.
Discussion about this post