Do të dalë sot para trupës gjykuese Martina Patti, 23-vjeçarja e akuzuar për vrasjen e vajzës së saj 5-vjeçare Elena,. Gruaja është nën vëzhgim në seksionin e burgut të grave, në Piazza Lanza në Catania. Ajo është thirrur vazhdimisht në infermieri për mbështetje psikologjike, por përshkruhet si e qetë. Ajo do të tregojë sot me detaje se si ndodhi krimi dhe në veçanti dy orët e fundit në të cilën ndodhi vrasja, fshehja e trupit dhe kërkesat e shumta për ndihmë nga të afërmit. Sipas asaj që raporton Il Messaggero, telefonata të shumta dalin nga tabulatet e telefonit të të resë, mes 14 dhe 15, pas vrasjes së Elenës së vogël. Dyshimi është se mes personave të kontaktuar nga Martina ka ndonjë bashkëpunëtor, dikush që mund ta ketë ndihmuar për të hequr qafe trupin e vajzës së saj. Ndër pikat ende për t’u sqaruar janë edhe motivi dhe arma e vrasjes.
Sakaq, bëhet me dije se për të hedhur dritë mbi këto aspekte, hetuesit po shfletojnë pamjet e regjistruara nga një kamerat e sigurisë, që synon zonën e shtëpisë së gruas. Videoja mund të bëjë të mundur të konstatohet nëse dikush ka arritur tek Martina dhe për sa kohë ka ndaluar. Megjithatë, për momentin, konfidencialiteti maksimal vlen për regjistrimet. Detaje të reja mund të dalin edhe nga rezultatet e autopsisë, që do të kryhet sot mbi trupin e vajzës, në morgun e spitalit Cannizzaro në Catania. Prokurori dhe avokati Gabriele Celesti, që mbron gruan, kanë caktuar konsulentët e tyre.
Discussion about this post