Detaje të reja dalin në dritë nga vetëvrasja e 22-vjeçares Aldorjana Loshi, me armën e shërbimit.
Në një intervistë eksperti i sigurisë Fatjon Softa tregon se mesazhin e fundit vajza e ka shkëmbyer me të dashurin, ku i thotë partnerit se po e lë derën hapur, ndërkohë që pranë trupit të saj u gjet një fotografi e të atit, i cili kishte ndërruar jetë pak kohë më parë.
“Në mesazh, ajo ka thënë ‘derën po ta le hapur’. Në afërsi të trupit të saj, është gjetur edhe fotografia e babait. Duket si një lloj ndjese ndaj atij verimi që ajo po merrte. Dyshimet e para erdhën për të dashurin e saj, që sipas disa të dhënave, mund të ketë pasur një lidhje të dyfishtë me një person tjetër dhe ajo mund të ketë zbuluar këtë tradhti. Kjo është pista e parë e vetëvrasjes”.
Softa hedh dyshimet se mund të kemi të bëjmë me vrasje:
“Fakti që dera është e hapur dhe ajo komunikon që derën po e le hapur dhe fshirja e mesazheve, që të paktën sipas policisë, arsyet e ndalimit dhe shoqërimit të tij, lidhen me pengimin e zbulimit të së vërtetës. Sepse fshirja e mesazheve me të, për supozon që është fshehje e të dhënave për të hetuar motivin e vërtetë të vrasjes. Nuk ka një përfundim, nga arrest me burg është lehtësuar masa dhe është arrest shtëpie. Presim ë vijim të dhëna të reja që mund të hedhin dritë nëse kemi të bëjmë me vrasje ose vetëvrasje”.
Ngjarja e rëndë ndodhi pesë ditë më parë, kur 22-vjeçarja, e cila shërbente në Komisariatin e Policisë nr.5, u gjet pa shenja jetë në banesën në rrugën ‘Ali Demi’.
Discussion about this post