Xhakomo Vrioni ishte protagonist me New England duke shënuar një gol fantastik në fitoren 2-1 kundër Atlanta United.
Ish-futbollisti i Juventusit mori një top fantastik nga Gil duke dalë i vetëm përballë portierit Brad Guzan, të cilin e ka dribluar me gjakftohtësi dhe ka shënuar me portën bosh.
Ky gol i realizuar nga Vrioni ka pushtuar rrjetet sociale dhe një nga faqet më të njohur të sportit në “Instagram”, “Bleacher Report” e ka publikuar golin e sulmuesit shqiptar.
Pas portierit, Vrioni ka pritur deri në momentin e fundit dhe pasi është shtrirë edhe një mbrojtës, ka goditur portën duke gjetur golin e dytë për skuadrën e tij në minutën e 9 të takimit.
https://www.instagram.com/reel/CunsFBMgyYq/?utm_source=ig_embed&ig_rid=205705bf-1642-46f8-b0c1-0a698cac1f54
Ky gol, është pothuajse identik me golin e Ronaldo Nazario, përballë Valencias, në sezonin 2004-2005.
Guzan është një nga portierët më të mirë në historinë e MLS-së, duke qenë shpesh herë vendimtar me pritjet e tij.
38-vjeçari ka luajtur në të shkuarën edhe në Premier Ligën angleze, para se të rikthehej në MLS dhe prej 6 vitesh luan me Atlantën.
Discussion about this post