Një shqiptar, sipërmarrrës në Itali, është vrarë në shteqin fqinj. Viktima është 52-vjeçari Artan Kaja, i cili fillimisht u dyshua se humbi jetën për shkaqe natyrale, por hetimet zbuluan më vonë se ai ishte vrarë me armë zjarri.
Mediat italiane raportuan këtë të enjte se një kthesë e bujshme ka ndodhur në rastin e vdekjes së Artan Kajës, i njohur nga të gjithë si Tony. Karabinierët kanë arrestuar një person për vrasjen e tij, pasi shqiptari u gjet i vdekur në një fabrikë letrash.
52-vjeçari u gjet i vdekur mbrëmjen e 7 janarit. Në fillim u mendua se vdekja ishte shkaktuar nga një problem shëndetësor, por disa detaje nuk përputheshin. Pas një sërë verifikimesh, u arrestua një burrë i dyshuar si autor i vrasjes.
“Vdekja e Artanit, i cili ishte shumë i njohur në Lunata, ka tronditur thellësisht zonën e Capannorit. Por tani, ky zhvillim i hetimeve ka lënë të gjithë pa fjalë. Edhe familja e tij, e shokuar nga lajmi i mbërritur mbrëmjen është e tronditur nga vdekja e sipërmarrësit”, raportoi “La Nazione”.
Trupin e pajetë e gjeti gruaja e tij. Duke mos e parë të kthehej në shtëpi, ajo kishte shkuar për ta kërkuar në kompaninë ku punonte.
Artani lë pas bashkëshorten dhe dy fëmijë. Ai ishte një sipërmarrës i vogël, dhe kompania e tij merrej me transport mallrash. Shërbime të tilla ai ofronte për kompaninë “Smurfit Kappa,” ku edhe u gjet trupi i tij i pajetë.
Discussion about this post