Një vrasje me armë zjarri ka ndodhur mesditën e së premtes në Pire të Greqisë. Sipas informacioneve, viktimë ka mbetur një 40-vjeçar shqiptar.
Sipas mediave greke deri më tani, një i moshuar ka qëlluar në kokë me armë një person tjetër jashtë parkingut të rrugës Praxitelous 147. Viktima ishte një punonjës i biznesit dhe dy burrat raportohet se kanë pasur debate të shpeshta.
Sipas raportimit, sherri ka nisur në parkingun, ku 68-vjeçari e ka qëlluar një herë në kokë, por më pas është kthyer dhe e ka qëlluar për herë të dytë për ta përfunduar.
Menjëherë pas ngjarjes, 68-vjeçari i armatosur është larguar në rrugën Alkiviadou, por më pas është dorëzuar në Policinë Greke.
Sipas informacioneve, viktima me origjinë shqiptare, rreth 40 vjeç, është dërguar fillimisht në spitalin e Zaneio-s, ku ka gjetur vdekjen.
Shikoni fotot nga vendi i vrasjes:
Discussion about this post