Një shqiptar, rreth moshës 30 vjeç është vrarë me thikë në Spanjë. Ngjarja mësohet se ka ndodhur të dielën, por është raportuar sot në media, pavarësisht se rrethanat e ngjarjes janë ende të panjohura.
Sipas mediave vendase, shqiptari është lënë në dyert e spitalit në Girona. Ai është dërguar me makinë deri aty nga persona që ende nuk janë identifikuar. Personat në fjalë janë larguar që aty duke e lënë të riun e pajetë në dyert e spitalit.
Ai është marrë nga mjekët dhe i është nënshtruar një trajtimi mjekësor për më shumë se 45 minuta, por nuk ka arritur të mbijetojë.
Kamerat e sigurisë të spitalit kanë arritur të zbulojnë targën e mjetit që dërgoi shqiptarin në spital dhe mendohet se personat që kanë lënë aty, janë gjithashtu shqiptarë.
I ndjeri rezulton të jetë pa dokumente dhe po vijohet me procedurat për hetimin e tij.
Discussion about this post