Një zyrtar i partisë opozitare u vra të martën gjatë përleshjeve midis grupeve politike rivale në Republikën Demokratike të Kongos, thanë burimet.
Kombi i varfër i Afrikës Qendrore me rreth 100 milionë banorë po mban zgjedhjet parlamentare dhe presidenciale më 20 dhjetor, me fushatën që ka nisur nëntë ditë më parë.
Përleshjet e së martës shpërthyen kur një autokolonë e fushatës së kandidatit presidencial të opozitës Moise Katumbi po kalonte rrugën përmes Kindu, kryeqyteti rajonal i provincës lindore Maniema.
Dëshmitarët thanë se mbështetësit e Katumbi u përleshën me mbështetësit e partisë në pushtet Bashkimi për Demokracinë dhe Progresin Social (UDPS) të presidentit Felix Tshisekedi.
Nga trazirat mbeti i vrarw Dido Kasingin, avokat dhe baba i gjashtë fëmijëve.
Zëdhënësi i partisë opozitare, Herve Diakiese, akuzoi guvernatorin e Maniemës për nxitjen e trazirave.
I kontaktuar me telefon nga AFP, Mangala tha se dhuna shpërtheu “pas sjelljes krejtësisht barbare” nga mbështetësit e opozitës.
Kryebashkiaku i qytetit ku ndodhi dhuna, Augustin Mulamba, ka konfirmuar se ka pasur përplasje mes mbështetësve të partive rivale, pa dhënë detaje të tjera.
Discussion about this post