Tea Trifoni, ish-konkurrentja e sezonit të dytë të programit të dashurisë “Për’puthen”, ka bërë disa ndryshime në fizikun e saj. Fillimisht, 23-vjeçarja gjatë periudhës që qëndroi në program vendosi balonin gastrik për të rënë në peshë e më pas iu nënshtrua një ndërhyrjeje në gjoks për ta zmadhuar atë.
Së fundmi ajo ka realizuar një bisedë me ndjekësit e saj në rrjetin social Instagram ku ka zbuluar një ndërhyrje tjetër që ka bërë dhe foli për problemet me kilogramët e tepër dhe ankthin.
“Stres për mua janë kilogramët e tepërt dhe barku obez.”
Nga ana tjetër Tea tregoi se vitin e kaluar ajo ka qenë më e dobët se kurrë dhe përsëri dëshironte të ishte më mirë pasi lexonte komentet në rrjet. Duke zbuluar eksperiencën e saj, ajo e këshilloi ndjekësen që ta dojë veten siç është.
“Sado moral të të bëj unë, nuk do të ndihesh më mirë dhe nuk ka për të të ikur ky stresi deri në momentin që do vendosësh të duash veten tënde ashtu siç je. Ti mund ta humbësh atë peshën e tepërt që mendon se ke por prapë nuk do të pëlqejë vetja sepse do kërkosh të kesh trup më të tonifikuar. Ta them nga eksperienca. Vitin e kaluar, në këtë periudhën prill-maj, kam qenë më e dobët se kurrë. Nuk kisha mish në trup, as gjoks, as vithe, as bark, asgjë, isha kockë e lëkurë. E prapë mendoja se duhej të dukesha më mirë sepse kishte njerëz që më thoshin “Tea je e shëndoshë”. Nuk ka rëndësi se çfarë thonë të tjerët. Kështu fillova të haja dhe të shijoja çfarë unë doja të haja.”
Gjithashtu, një tjetër ndjekës i ka kërkuar asaj një këshillë për problemet me ankthin. Këtu Tea zbuloi se vuan vetë nga ankthi dhe po këshillohet e një psikolog për ta ndihmuar.
“Për këtë nuk të këshilloj dot sepse vuaj vetë nga ankthi edhe akoma nuk i kam bërë dot derman. Nuk di si ta heq. Sigurisht duhet të këshillohesh me një psikolog, sepse profesionistët e asaj fushe janë të vetmit që mund të të ndihmojnë. Këtë po bëj edhe unë.”
Së fundmi, ish-konkurrentja ka zbuluar se po bën një ndërhyrje edhe në buzët e saj. Ajo u shpreh se kishte kohë që donte t’i frynte buzët, por kishte frikë, megjithëse, sipas saj, nuk ishte një proces që shkakton dhimbje.
Discussion about this post