Ikona e famshme e popit të viteve 1960, Ronnie Spector, është ndarë sot nga jeta. Ajo ka ndërruar jetë në moshën 78-vjeçare dhe lajmin e ka bërë të ditur familja e saj në një deklaratë publike.
Ata kanë treguar se këngëtarja vuante prej kohësh nga kanceri. “Engjëlli ynë i dashur Ronnie, u largua paqësisht nga kjo botë sot pas një beteje të shkurtër me kancerin. Ajo ishte me familjen dhe në krahët e bashkëshortit të saj, Jonathan. Ronnie e jetoi jetën e saj me një vezullim në sy, një qëndrim të çuditshëm, një sens humori dhe një buzëqeshje në fytyrën e saj”, thuhet në deklartë.
Ronnie Spector, formoi grupin “The Ronettes” në vitin 1961, së bashku me motrën e saj dhe një kushërirë ndërsa ishte ende adoleshente. Grupi i vajzave u bë gjithashtu jashtëzakonisht i popullarizuar në Angli, ku Ronettes kryesuan lista të tilla si Rolling Stones dhe Eric Clapton dhe The Yardbirds. Grupi u shpërbë në vitin 1967.
Menjëherë pas Ronnie u martua me Phil Spector, me të cilin ajo pati një marrëdhënie të trazuar. Çifti u divorcua në vitin 1974. Nga mesi i viteve 1970, Ronnie Spector kishte nisur një karrierë të re si artiste solo. Edhe pse ajo nuk arriti më kurrë kulmin e saj të viteve ’60, ajo u kthye në radio “Top 40” duke kënduar me Eddie Money në hitin e tij të vitit 1986, “Take Me Home Tonight”. Ronnie Spector vazhdoi të regjistronte muzikë dhe të performonte deri në të 70-at e saj.
Discussion about this post