Ish-ambasadori i Holandës në Kosovë, Robert Bosch, ka folur për zhvillimet e fundit në këtë shtet. Duke komentuar protestën e serbëve në veri, ai e cilësoi këtë si një veprim të stimuluar nga Beogradi. Sipas diplomatit, këto akte të Serbisë minojnë gjithçka që është arritur për më shumë se 10 vite në kuadër të dialogut.
“Ky veprim i stimuluar nga Beogradi minon gjithçka që është arritur në më shumë se 10 vitet e fundit në lidhje me normalizimin e marrëdhënieve ndërmjet Serbisë dhe Kosovës. Do të thotë se regjimi i Vuçiqit e tregoi fytyrën e vërtetë: nuk ka dëshirë për paqe dhe pajtim. Ku do të shkojmë….”,ka shkruar Bosch.
Lexo edhe: Tensionet në Veri/ SHBA: Po rrezikohet jeta e qytetarëve, të ulen tensionet
Të shtunën më 5 nëntor, Lista Serbe ka njoftuar për largimin e serbëve nga institucionet e Kosovës.
Paralajmërimet e Listës Serbe për largim nga institucionet e Kosovës kanë ardhur pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq, i cili ka refuzuar që të zbatojë vendimin e Qeverisë së Kosovës për riregjistrimin e makinave që kanë targa të lëshuara nga Serbia në RKS – Republika e Kosovës.
Ndërkaq të dielën më 6 nëntor, kanë dhënë dorëheqje edhe kryetarët e katër komunave veriore.
Discussion about this post