Presidenti i Serbisë, Aleksandar Vuçiç ka folur për situatën e vështirë në lidhje me dialogun me Kosovën. Mediat e huaja shkruajnë se Vuçiç, do të mbajë më 16 janar referendum për ndryshim të Kushtetutës edhe në Kosovë,por ai ka marrë një njoftim joformal se kjo nuk do të lejohet nga institucionet e Kosovës. Duke folur për dialogun Kosovë-Serbi, Vuçiç ka njoftuar se do të forcojë ushtrinë e vendit edhe pse kjo po sjell pakënaqësi për Prishtinën dhe Zagrebin.
“Nuk e kemi as në horizont vazhdimin e dialogut me Prishtinën. Shpejtësia e përparimit të Serbisë, në rajon po shikohet me shqetësim të pjesshëm ose dëshirë për të mos ecur me atë shpejtësi. Sidomos kur bëhet fjalë për forcimin e ushtrisë sonë, Zagrebi dhe Prishtina janë më të pakënaqurit”, – tha Vuçiç.
Discussion about this post