Ambasadori i Gjermanisë në Kosovë, Jörn Rohde, ka thënë të martën se politizimi i sporteve nuk është kurrë ide e mirë.
Në lidhje me këtë koment ka reaguar Presidenti i Serbisë Aleksandër Vuçiç, duke thënë se ambasadori nuk ka reaguar kur sportistëve serbë dhe klubeve serbe u është ndaluar pjesëmarrja nëpër kampionate.
“Është mirë që ambasadori gjerman në Prishtinë nuk ka reaguar kur u është ndaluar pjesëmarrja sportistëve tanë dhe klubeve tona, të cilat vetëm kanë dëshiruar të luajnë futboll. Siç mora vesh, ata nuk janë lajmëruar për pjesëmarrje, por vetëm kanë bërë shfaqje në kufi, kështu që, sinqerisht, nuk mund të merrem çdo gjë”, është shprehur Vuçiç.
Rohde ka cituar reagimin e Bashkimin Evropian duke thënë se normalizimi afatgjatë i raporteve dhe pajtimi i qëndrueshëm mes shoqërive fillon me shkëmbimet intelektuale, kulturore, sportive dhe artistike.
“Parandalimi i boksierëve nga pjesëmarrja në Kampionatin Ndërkombëtar të Boksit shkon në drejtim të kundërt. Fatkeqësisht ky është shembull i Ballkanit të mbyllur dhe jo të hapur”, ka thënë Rohde.
Autoritetet në Kosovë kanë reaguar gjithashtu në lidhje me këtë ngjarje ku thonë se nuk pengojnë sportistët që prezantojnë Serbinë, por tentojnë të ndalin aktivitete sportive paralele që zhvillohen në Republikën e Kosovës nga klubet serbe.
Daulina Osmani, zëvendësministrja e Kulturës, Rinisë dhe Sportit në Kosovë ka pohuar se ato klube janë anëtare të federatave serbe, të cilitdo sport dhe zhvillojnë ndeshje të ligave të Serbisë në territorin e Kosovës dhe kjo gjë nuk lejohet.
Kryeministri i Kosovës, Albin Kurti, Albin Kurti, ka thënë të hënën se, vendimi i Serbisë për të mos lejuar pjesëmarrjen e sportistëve kosovarë në Kampionatin Botëror të Boksit paraqet “shkelje të normave ndërkombëtare të sportit”.
“Serbia duhet ta tregojë forcën e saj në ringun e boksit, jo në kufi”, shkruan ai në Tëitter.
Kryetari i Federatës së Boksit të Serbisë, Nenad Borovçanin e ka cilësuar provokim.
“Mua më vjen keq që bëjnë provokime të tilla dhe në këtë mënyrë po e politizojnë dhe po e keqpërdorin sportin..sportistët. Sporti është i pastër dhe duhet të mbetet i tillë. Për çfarë arsye (nuk janë lejuar të marrin pjesë) ne do të informohemi shpejt dhe do të njoftojmë zyrtarisht”, tha Borovçanin.
