Rusia respekton interesat kombëtare të Serbisë ashtu sikurse Serbia që respekton interesat kombëtare të Rusisë dhe e kupton pozicionin e saj nën presion për të vendosur sanksione ndaj Moskës, bënë me dije ambasadori rus në Beograd, Alexander Bocan Kharchenko.
Ai gjithashtu tha se Moska s’kërkon asgjë nga Beogradi, pasi sipas tij e di konsistencën e presidentit Aleksander Vuçiç dhe pozicionin e tij themelor në çështje kyçe siç është zhvillimi i Serbisë dhe sjellja e tij në politikën e jashtme.
Nga ana tjetër Presidenti serb, Aleksander Vuçiç ditën e djeshme u deklarua për luftën në Ukrainë duke thënë që respekton integritetin territorial të Ukrainës por nuk do të vendosë sanksione ndaj Moskës siç kanë bërë të gjitha shtetet e Bashkimit Europian përfshirë edhe Kosovën.
Vuçiç ka thënë se i konsideron rusët dhe ukrainasit si popull vëllazëror.
Kharchenko thekson se ekziston një dialog konfidencial dhe gjithëpërfshirës mes presidentëve të Rusisë dhe Serbisë, Vladimir Putin dhe Aleksander Vuçiç, bazuar në respektin dhe besimin e thellë reciprok dhe se Serbia ka interesat e saj kombëtare, për të cilat, presidenti Vuçiç ka folur disa herë.
Discussion about this post