Presidenti i Serbisë, Aleksandar Vuçiç, iu është drejtuar popullit serb nëpërmjet një konference pas reciprocitetit për targa, vendim ky i marrë gjatë ditës së sotme nga Qeveria e Kosovës.
Vuçiç e ka cilësuar si “një ditë të vështirë” për serbët në Kosovë, derisa e ka dramatizuar paksa situatën lidhur me prezencën e forcave policore në Veri.
“Sot është një nga ditët më të vështira për njerëzit tanë në Kosovë. Nuk bëhet fjalë për ndonjë dramatizim, por situata është vërtet serioze dhe e vështirë. Dua t’ju informoj se ne e dinim mbrëmë se Prishtina po planifikonte lëvizje të forcave të saj në Kosovën veriore
Ata kaluan në Kosovën veriore rreth orës gjashtë të mëngjesit të sotëm, dhe kjo është hera e gjashtë që hyjnë atje. Snajpera janë vendosur në disa vende. Snajperistët kanë mbuluar shtëpitë e të rinjve serb të cilët mund të kundërshtojnë veprimet e tyre të paligjshme”, tha Vuçiç.
Gjatë ditës, Qeveria e Kosovës ka vendosur që të zbatojë reciprocitetin në targa me Serbinë, duke ua obliguar të gjithë veturave me regjistrim serb që ia mësyjnë Kosovës të paguajnë 5 euro që të pajisen me targa të përkohshme ‘RKS’.
Lidhur me këto zhvillime ka reaguar Ambasada Amerikane e BE’ja, duke i bërë thirrje Kosovës e Serbisë të “ulin tensionet”.
