Kryetari i PD, Sali Berisha paralajmëroi Edi Ramën se do e paguajë ai faturën e ndërhyrjeve armiqësore ndaj PD në Gjykatë.
Gjatë një takimi me strukturat e PD-së në kryeqytet, Berisha foli dhe për çështjen e vulës, duke akuzuar Ramën se po bën ndërhyrjet e fundit armiqësore ndaj PD-së në gjykatë.
Por, Berisha e paralajmëroi kreun e qeverisë se “faturën” do e paguajë vetë Rama.
“Po bën ndërhyrjet e fundit armiqësore ndaj PD-së në gjykatë. Por unë i them, se absolutisht ndaj çdo vendimi tënd, faturën do e paguash vetëm ti si kryeministër, si krim-ministër, qeveria jote. Ne nuk shuhemi, ne jemi forcë politike e pamposhtur, ne e faktuam këtë”, tha Berisha.
Discussion about this post