Gjykata e Apelit pritet të japë vendimin për vulën e Partisë Demokratike në orën 11:00. Deri më tani në ambientet e Gjykatës së Apelit janë paraqitur 3 gjyqtarët e caktuar për të dhënë vendimin për këtë çështje dhe përfaqësuesi i grupit Alibeaj, Indrit Sefa. Jashtë gjykatës ka prani të shtuar të forcave të sigurisë që janë duke monitoruar situatën për të parandaluar çdo konflikt të mundshëm.
Në gjykatën e Apelit pritet të jepet vendimi sot për përkatësinë e vulës në Partinë Demokratike. Gjykata do të vendosë mbi ankimimin e Alibeajt ku kërkohet rrëzimi i vendimit të gjyqtarit Agron Zhukri për njohjen e kuvendit të 11 dhjetorit si legjitim.
Tre janë skenarët e sotëm që priten nga kjo gjykatë, në një kohë kur shtyrja e dhënies së vendimit do të vështirësonte regjistrimin e PD pranë Komisionit Qendror të Zgjedhjeve kur kanë ngelur vetëm 3 ditë nga afati.
E para që Apeli të lejë në fuqi, vendimin e gjyqtarit Agron Zhugri, e dyta vendimi i Zhugrit të zhbëhet dhe të pranohet ankimi i Alibeajt dhe opsioni i tretë që çështja të kthehet sërish për gjykim në Themel.
Discussion about this post