Pavarësisht protestave të shumta nga qytetarët e Dibrës, thirrjeve nga shoqata në mbrojte të natyrës dhe kritikave të ekspertëve, sot është vulosur fati për ndërtimin e HEC-it të Skavicës. Burime bëjnë me dije se, në mbledhjen e fundit të KKT datë 26 prill përveç kësaj pike kanë kaluar edhe një sërë lejesh të tjera të lidhura me energjinë ku së pari leja për nënstacionet që janë pjesë e projektit të linjës 400 kilovolt Shqipëri-Maqedoni me Zhvillues Operatorin e Sistemit të Transmetimit. Një tjetër leje që bie në sy është ajo dhënë Korporatës Elektroenergjetike Shqiptare për ndërtimin e rrugëve të aksesit që do të përdoren për ndërtimin e HEC-t të Skavicës.
KKT gjithashtu ka miratuar 5 leje ndërtimi për hidrocentrale në zonën e Dibrës dhe Peshkopisë ndërkohë që ka shtyrë afatin për 3 leje të tjera HEC-esh. Në Pukë është miratuar leja për turbina eolike. Në pikën 24 ka miratuar ndryshimin e subjektit zhvillues për objektin “Resort Turistik 2, 3 dhe 4 kate me parkime nëntokë “Manastiri Resort”, me vendndodhje në Bashkinë Sarandë”.
Pavarësisht, se edhe organizata të shumta ndërkombëtare, përfshirë këtu Bankën Botërore, i kanë kërkuar qeverisë që të mos abuzojë me ndërtimin e HEC-ve, Edi Rama dhe vartësit e tij nuk duan t’ia dinë.
Discussion about this post